Maar Moses het die volk geantwoord: “Moenie bang wees nie. Staan vas, kyk hoe die Here julle vandag gaan red, want soos julle die Egiptenaars nou daar sien, sal julle hulle nooit weer sien nie. Bly julle maar kalm. Die Here sal vir julle veg.”  Eksodus 14:13-14, 1983-vertaling

 

Die jong nasie Israel het hulleself daardie dag op die oewer van die Rietsee tussen twee vure bevind, en net God kon hulle red.

 

Die Almagtige het hulle op 'n pad gestuur wat die farao oortuig het dat hulle maklik oorval sou word. Die magtige Egiptiese leër wat hulle agtervolg het nadat hulle pas uit slawerny bevry is, moes hulle moedeloos en verward gelaat het.

 

Die Israeliete het gereageer presies soos ek dink ek sou: hulle was bang. Soms, selfs wanneer God jou lei, lyk dit of die pad belstrooi is met onoorkomelike probleme.

 

Hulle het nog nie die boeie van die slawementaliteit verloor nie. Vasgevang, en ten spyte van al die wonders wat hulle aanskou het, het hulle begin twyfel oor wat God gedoen het. Hulle het dapper uit Egipte geloop. Tog, hier is hulle 'n paar dae later en word deur hulle eerste hindernis uitgedaag, en hulle praat asof dit beter sou wees om terug te keer na slawerny.

 

Oor die Rietsee wat oopgekloof is, sê past David Guzik: “Dink jy Moses of enigiemand anders in Israel het gedink dat dit is hoe God dit gaan doen, ek dink nie so nie. Ek dink van al die halfdosyn opsies waaraan hulle kon dink, daardie een glad nie in hulle gedagtes opgekom het nie; daardie een was in God se skatkis van hulpbronne weggesteek."

 

Vryheid kom nie maklik nie. Past Guzik sê dat soos die Israeliete met Egipte gedoen het, ons ook die sondige lewens wat ons voor Jesus gelei het, kan romantiseer, ongeag wat dit Hom gekos het. Die maklike uitweg kan al te aanloklik lyk, selfs al help God ons keer op keer. Dit bly maklik om aan sy voorsienigheid, Woord en krag te twyfel wanneer teëspoed aan die deur kom klop. (https://www.youtube.com/watch?v=Ii6Og-vQlbI&t=2131s)

 

Nie een van ons het toegang tot God se hulpbronne nie. Sommige kan ons bloot nie verstaan nie. Sal ons God toelaat om sy doel met ons lewens uit te werk, selfs al verstaan ons dit nie? Moses het geen idee gehad hoe God sou werk nie, maar nietemin het hy vertrou dat God hulle sou verlos. Sal jy Hom ook met al jou uitdagings vertrou?

 

Gebed: Hemelse Vader, die psalmdigter vermaan ons om stil te word en te onthou dat U God is en dat U vir ons veg. Here, help ons om op u Woord en beloftes te staan en te vertrou dat U ons sal verlos, selfs wanneer niks sin maak nie. Amen