Benescke Janse van Rensburg
The Sovereign Lord is my strength; he makes my feet like the feet of a deer, he enables me to tread on the heights. Habakkuk 3:1, NIV
Deer are incredibly agile. Have you ever seen the impressive leaps they make when threatened by predators? They climb steep, rocky slopes to places where their enemies struggle to reach them. And the most amazing part? They rarely lose their footing!
It reminds me of our own lives and how, just like those antelope, we sometimes find ourselves trying to escape our own “predators”.
Sometimes it's illness – our own or that of someone we love. Sometimes it's the pain of a broken relationship. Other times, it's fear of the future or guilt over something in our past that just won't let go.
And when it feels as though we're slipping down a steep cliff, desperately trying to find our footing, Habakkuk reminds us that the Sovereign Lord is our strength and he makes our feet like the feet of a deer, enabling us to tread on the heights.
Not only when everything is going well. Not only when we feel strong. But especially when we are at our weakest. God gives us strength beside a hospital bed, in a courtroom, in an examination room and in those moments when we simply don't know which way to turn.
God doesn't promise that we will never face danger or difficult circumstances. But he promises to give us the strength to get through them. He makes our feet like those of a deer. He helps us find firm footing, even on the most difficult terrain.
Prayer: Heavenly Father, thank you for giving me strength when I feel weak. Help me to keep my eyes fixed on you today, even when life feels uncertain. Thank you for being my strength and my solid rock. I pray this in the name of Jesus Christ. Amen.
Benescke Janse van Rensburg
Die Here my God gee vir my krag. Hy maak my voete soos dié van ’n ribbok, op hoë plekke laat Hy my veilig loop. Habakuk 3:19, 1983-vertaling
Ribbokke is ongelooflik rats. Het jy al ooit gesien watter indrukwekkende spronge hulle kan maak wanneer roofdiere hulle bedreig? Hulle beweeg teen steil, rotsagtige hellings uit na plekke waar hulle vyande hulle moeilik kan bereik. En die wonderlikste van alles? Hulle verloor nie sommer hulle vastrapplek nie!
Dit laat my dink aan ons eie lewens en hoe ons ook soms soos daardie ribbokke probeer wegkom van ons eie “roofdiere”.
Soms is dit siekte – jou eie of dié van ’n geliefde. Soms is dit die seer van ’n verhouding wat uitmekaargeval het. Ander kere is dit vrees oor die toekoms of skuldgevoelens oor iets uit jou verlede wat jou net nie wil los nie.
Wanneer dit voel asof ons teen ’n steil afgrond afgly en nie meer vastrapplek kan kry nie, herinner Habakuk ons: “Die Here my God gee vir my krag. Hy maak my voete soos dié van ’n ribbok, op hoë plekke laat Hy my veilig loop.”
Nie net wanneer alles goed gaan nie. Nie net wanneer ons sterk voel nie. Maar juis wanneer ons op ons swakste is. God gee vir ons krag langs ’n hospitaalbed, in ’n hofsaal, in ’n eksamenlokaal of in daardie oomblikke wanneer ons regtig nie weet watter kant toe nie.
God belowe nie dat ons nooit gevaar of moeilike omstandighede sal beleef nie. Maar Hy belowe om ons krag te gee om daardeur te kom. Hy maak ons voete soos dié van ’n ribbok. Hy help ons om vastrapplek te vind, selfs op die moeilikste terrein.
Gebed: Vader God, baie dankie dat U my sterk maak wanneer ek swak voel. Help my vandag om my oë op U te hou, selfs wanneer die lewe onseker voel. Dankie dat U my krag en my vaste rots is. Ek vra dit in die Naam van Jesus Christus. Amen.
Ruanne van Zyl
Wees veral versigtig met wat in jou hart omgaan, want dit bepaal jou hele lewe. Spreuke 4:23, 1983-vertaling
Die hart waarvan hierdie vers praat, is nie net emosies nie, maar die sentrum van ons gedagtes, begeertes en motiewe. Alles wat ons doen, begin hier. Daarom sê God ons moet dit “veral versigtig” bewaak.
Ons harte word daagliks beïnvloed deur wat ons sien, hoor en oor dink. Negatiewe woorde, vergelyking met ander, vrees en bitterheid kan stil-stil wortelskiet. As ons dit nie aanspreek nie, begin dit ons houding en optrede beheer. 'n Onbewaakte hart lei tot 'n onrustige lewe.
Om jou hart te bewaak, beteken nie om koud of afgesluit te wees nie. Dit beteken om doelbewus te kies wat jy toelaat om jou binneste te vorm. Dit vra dat ons gereeld ons gedagtes aan God se waarheid toets. Wanneer leuens soos “ek is nie goed genoeg nie” of “niks sal verander nie” opkom, moet ons dit vervang met wat God sê.
'n Gesonde hart bring lewe. Dit lei tot geduld, liefde en wysheid in moeilike situasies. Wanneer ons hart vol vrede is, reageer ons anders op druk en konflik. Die kwaliteit van ons lewe word dus direk beïnvloed deur die toestand van ons binneste wêreld.
God is nie net geïnteresseerd in ons dade nie, maar in wat dit dryf. Wanneer ons Hom toelaat om ons harte te reinig en te vernuwe, verander Hy ons van binne na buite.
Gebed: Here, wys my wat in my hart nie van U af kom nie. Help my om my gedagtes te vul met u waarheid en my hart te bewaak sodat my lewe U eer. Amen.