---

In die vertrek waarin hy op ’n bankie gesit het, het hy ’n bang klein dogtertjie in die hoek sien sit. Sy het behoorlik van vrees gebewe. In ’n sagte stem het hy met haar gepraat: “Kom hier na my toe. Moenie bang wees nie.” Sy het eers vir ’n oomblik gehuiwer voordat sy stadig opgestaan het en bang-bang nader gekom het na hom toe.

Dit is egter net toe sy voor hom staan dat hy in sy droom sien hoedat hy ’n vurk uit sy sak trek en dit in haar bo-been steek. Geskok het sy in trane van hom af weggevlug om weer in die hoek te gaan sit. In daardie oomblik het my vriend wakker geskrik terwyl hy duidelik kon hoor hoe God deur sy Gees met hom praat: “Dit is presies wat julle aan die Heilige Gees doen. Julle nooi Hom met groot bravade in, maar dan, net as Hy daar is, kies julle om te sondig. Besef julle dan nie watter effek julle sonde op die Heilige Gees het nie?” Instinktief het my vriend besef dat die vurk in die klein dogtertjie se been ons sonde teen die Heilige Gees gesimboliseer het. Luister weer na Paulus se waarskuwing in Efesiërs 4:

Kies jy daagliks die Heilige Gees se leiding in jou lewe of gee jy toe aan jou sondige natuur se verleidings? Die Heilige Gees is ’n persoon is wat emosie ervaar en geweldig sensitief is vir sonde. In Efesiërs 4 en ook in Efesiërs 5 is daar verskeie elemente wat kan veroorsaak dat jy die Heilige Gees in daad of in jou hart kan bedroef. Hier is ’n paar van daardie elemente:

· Wanneer ons soos ongelowiges lees (Efesiërs 4;17-19)

· Deur leuens te vertel (Efesiërs 4:25)

· Deur woede in ons harte rond te dra (Efesiërs 4:26-27)

· Deur te steel (Efesiërs 4:28)

· Deur bitter te wees (Efesiërs 4:31)

· Deur onvergifnis in ons harte rond te dra (Efesiërs 4:32)

· En deur seksueel losbandig te leef (Efesiërs5:3-5).

Wanneer jy kies om aanhoudend sonde bo die stem van die Heilige Gees in jou lewe te kies, sal jy vind dat sy stem mettertyd al sagter word. Dit is kompleet soos om ’n houer oor ’n oop vuur te plaas. Mettertyd sal dit uitgedoof word. Dit is in daardie tye wat dit baiekeer voel asof jy teen die dak vas bid of net nie ’n deurbraak tot God kan hê nie.

Hoe lyk jou lewe vandag? Het jy die vuur uitgedoof? Staan jy dalk met ’n vurk in jou hand?

Kan ek jou aanmoedig om vandag na God terug te draai? Bêre die vurk, maak oop die vuur en laat die Heilige Gees toe om jou daagliks te lei om meer soos Jesus te word!